Архіўныя дакументы і матэрыялы пра Браніслава Эпімах-Шыпілу

Радавод

Выпіска з Метрычнай кнігі Палюдавіцкага рымска-каталіцкага прыходскага касцёла аб нараджэнні і хрышчэнні двараніна Браніслава сына Ігнація Эпімах-Шыпілы. 26 лістапада 1864 г. Рукапіс. На рускай мове. (БДАМЛМ, ф. 435, копія з ЦДГА г. Санкт-Пецярбурга: ф. 14, воп. 3, спр. 9212, арк. 7)
Пасведчанне Дэпартамента герольдыі Урадавага Сената аб тым, што Б.І. Эпімах-Шыпіла ўнесены ў дваранскую радаводную кнігу пастановай Віленскага дваранскага дэпутацкага сходу ад 12 мая 1865 г. і ўзведзены ў дваранскую годнасць згодна з пастановай Урадавага Сената ад 29 ліпеня 1868 г. 10 лютага 1870 г. Рукапіс на бланку ўстановы. На рускай мове. (БДАМЛМ, ф. 435, копія з ЦДГА г. Санкт-Пецярбурга: ф. 14, воп. 3, спр. 9212, арк. 3)
Спіс аб сямействе двараніна Лепельскага павета Віцебскай губерні Браніслава Ігнатавіча Эпімах-Шыпілы. 1 ліпеня 1883 г. Рукапіс у друкаваным журнале ўліку. Аўтограф Б. Эпімах-Шыпілы. На рускай мове. (НГАБ, ф. 2512, воп. 2, спр. 30, арк. 1172-1173 адв.)
Пасямейны спіс двараніна Лепельскага павета Віцебскай губерні калежскага саветніка Івана-Непамуцана Вікенцьевіча Эпімах-Шыпілы (роднага дзядзькі Браніслава Эпімах-Шыпілы). 1886 г. Рукапіс у друкаваным журнале ўліку. На рускай мове. (НГАБ, ф. 2512, воп. 2, спр. 30, арк. 1174-1175 адв.)