Юридические документы, действовавшие на белорусских землях в период становления и развития Великого Княжества Литовского, Русского, Жемойтского

Привилей Александра (Ягеллона), великого князя литовского, на Магдебургское право городу Минску.
Вильня, 14 марта 1499 г.
Печатный документ. На старобелорусском языке. Помнікі права Беларусі XIV–XVI стст.: прывілеі на магдэбургскае права. Мінск: БелНДІДАС, 2019

Тэкст[1]

Во име светыя нерозделимая Троицы. Аминъ. Кгды бы вчынъки людскии, которые жъ с прыроженье своего кончаються, через  твердости листовъ ку вечъности не прыведены и слушнымъ сведецтвомъ ку прышлого часу ведомости не были бы доконъчаны, сказила бы всякии речы с часомъ старость. А для того высокия кнжта радою вставили, абы безрадствомъ и невставичъностью речеи, котории ижъ ся имуть на потом  деяти, шкоды бы не было, вложили на то тверъдости листовъ, сведецтва укладаючы знамя, ижъ бы то было вечно. Прото ку векуистои  тое то речы на памети мы, Алексанъдръ, Божю млстью великии  княз  литовъскии, рускии, жомоитскии  и иных  панъ и дедичъ, чинимъ знаменито симъ нашымъ листомъ, хто на него посмотрыть або чтучы его услышит, нинешнимъ и потомъ будучымъ, кому будеть потреба его ведати, иже маючы възгляд  посполитого доброго розмноженья и хотечы положенье места ншог  Менъского в мере лепъшои  поставити, абы люди нашы, тамъ мешкаючы, через  врад  добрыи  а справедливыи  были розмножены:

1. Тое место нашо Менъскъ с права литовъского, и руского, и которое коли будеть тамъ перво держано, у право немецкое, которое зоветься маитборъское, переменяемъ, на вечныи часы вставъляемъ и даемъ имъ знову обычаи  подлугъ того права маитборского зуполное раженье и всю уставу, отдаляючы того места вси права, вставы и обычаи  перъво держаныи, которыи  жь тое право маитборское нагабають, засмучають або перешкажают.

2. А про то подлугъ того то права маитборского в месте вышеи  речоном  Менъскомъ воитовъство знову вставъляемъ и тымъ нашымъ листом  тое воитовство надаваем, записуючы воитови нинешнему и всимъ потомъ на его местъцу будучым  третии  пенез  ото всих  судовъ и винъ судовых.

3. Тежъ прыдаемъ к тому воитовъству две клетки мясных  с платомъ ихъ, а иныи клетки вси и платъ с них  маеть быти на ратушу ку пожытку местъскому.

4. Такежъ прыдаемъ в моцъ воитовскую две корчме вольных  с платомъ их, с чотырма копами грошеи.

5. Тежъ хотимъ, абы вси, в томъ реченъномъ месте Менъском  мешкаючы на которомъ коли местъцу, права того маитборского пожывали и ему во всих  речах  повинъни были и в каждомъ деле послушни. И тые люди вси выимуемъ от  права городского и боярского и отдаляемъ их  и вечне вызваляемъ всих  того места людеи  от  судовъ и от  моцеи  всих  воевод, и пановъ, и старост, наместъниковъ, судеи  и всих  врадниковъ всего Великого Князства Литовъского, такъ, ижъ перед  нами о которых  кольвекъ речах  будуть позваны, на праве не будуть повинъни стояти, ани имъ отповедать, а естли з них  хто кому будеть чымъ виноватъ, мает  имъ справедливость статися перед  воитомъ их  и бурмистры, и радцы.

6. А естъли воит  а любо бурмистры будуть видетися несправедливы, тогды о тую речъ мают  позвани быти перед  насъ самих  и им  отповедати, которых  жо маемъ тымъ правом  судити.

7. Тежъ вызволяемъ их  от  подводъ, которыи жъ посполито перед  тымъ даивали. Ино вжо напотомъ на потребу нашу земъскую подводы мають давати, коли увидять подводныи  листъ, зъ сыгнетомъ нашым  запечатованыи.

8. Такежъ вызволяемъ ихъ от  сторожы, которую жъ к нашои  потребе того мають давати.

9. Тежъ, кроме вилневцомъ, ни одинъ купецъ иного места не будеть моцы мети инако куповати и продавати, только под  тою мерою, в томъ листе на долу выписаною: наипервеи, воски — штукою або по полуберъковеску; соболи, куницы и тхоры — по сороку; белку, горъностая, ласицу и норыцу — по полтретяста; попел, смолу — лаштомъ. А того не мають куповати ни в лесехъ, ани в борех, ани в селехъ, толко на месте. Теж  мають продавати: сукна — поставомъ, соль — лаштомъ; перец, имъбер, микгъдалы, инъшыи зелья простыи — каменемъ; шафранъ, мушкаты, гвоздики, кветъ мушкатовыи, кгалкганъ, цетваръ и инъшии зелья дорожшии — фунътомъ; секиры, ножы и инъшыи таковъские речы — тахромъ або в тузинъ; железо, олово, мед, цыну, мосязъ и инъшыи речы таковъскии — цетънаремъ; фикги, розынъки — кошемъ; вино какое колвекъ и пиво немецъкое, инъшое питье чужое — бочъкою целою. Тыи купцы чужые не будуть смети под  меру менъшую ани продавати, ани куповати, толко какъ уверху выписано, а естъли бы которыи  своею смелостю иначеи  вчинил, тогды тую куплю до коморы нашое воит  на насъ возметь.

10. Допущаемъ тежъ в томъ месте нашомъ мети важницу и тежъ капницу, и весь воскъ, тамъ жо стопленыи, печатью их  мають знаменитовати, и с того вжытъки ку посполитому доброму мають ховати.

11. Полецаемъ такежъ воиту и бурмистром, на тот  часъ будучымъ, вси места пустыи в месте и вкругъ места, поля нашы ку осаженью и розмноженью людеи, нижли што пашня нша городовая, в тыи поля мещаномъ не уступатисе.

12. Даемъ тежъ доброволенство всим  мещаном, подле давного обычаю, брати дерево на будованье домовъ их  и тежъ на кухню в борехъ и в лесехъ за тры мили около местъца в нашых  борех, и в лесех, и в пущах, окроме бортного дерева, которого жъ рушить не смеють.

13. Такежъ где перед  тымъ скотъ свои, быдло они пасывали, и нине доброволно имъ без  кажъного нагабанья тамъ жо паствити.

14. Мають тежъ вбудовати лазню посполитую ку пожытку местъскому, где местъцо оберуть подобное.

15. И тежъ на местъцу годномъ мають справити ратушу, под  которымъ жо будуть мети крамницу, и клетки хлебъные, и комору пострыгальную.

16. И тамъ жо, на ратушу, мають мети бочку мерную и медницу зънаменем  местъским, с которых  жо речеи  вси вжытки воит  и з  бурмистры ку местъскои  оправе ховати будуть.

17. Мають тежъ быти в месте первореченъномъ дванадцать радскихъ, которыи жъ радцы з воитомъ посполито мають обирати промежъку себе на кожъдыи  год  двух  бурмистровъ, которых  жо руками обаполъне з  воитомъ посполства маеть ражено быти.

18. Уставляемъ тежъ на вечъныи часы, абы вышемененое место кажъдымъ годомъ шестьдесятъ копъ грошеи  на Великъдень до скарбу ншого без  всякое вымовы нам  давало.

19. Хотимъ тежъ, ижъбы тое место нашо цынъшъ каръчемныи  в кажъдыи  годъ подле стародавного обычая намъ зуполъна давано по-давъному.

20. Тежъ, коли положимъ серебъщыну нашу великую и малую по всим  городомъ нашымъ, и местомъ, и волостемъ в нашомъ панъстве Великомъ Князстве, ино тое нашо место мают  нам  серебъщыну давати такъ, какъ и иные нашы места, без  кажъдое вымовы.

21. Тежъ мыто нашо менское и с промытою мають мытники нашы держати, которимъ кольвекъ продадимъ, во в покои, подле давъного обычаю.

22. Такежъ дозволяем  имъ ку местъскому пожытку млынъ збудовати на местцу подобном  на реце на Свислочы, а старого млыну, которыи  жо к замъку прыслухаеть, не мають опустити, абы платъ его зуполна былъ.

23. Такежъ к тому месту нашому Менъскому даем, и записуемъ, и дозволяемъ суполне тымъ ся правомъ маитьборъским  судити и радити, а надо все тое болшое право собе заставъляемъ.

А над  тыхъ всихъ речех  сведецтва и лепшую моцност  печат  наша к тому то листу естъ завешона.

Сталося и дано у Вилни, у четвергъ шостое недели  поста, мсца марца 14, в день светого Бенедыкта, лета Божего тисеча чотырыста деветдесят  девятого.

Пры том  были: велебныи, велможныи, врожоныи княз  Воитехъ, бискупъ виленскии; а воевода киевскии  княз  Дмитреи  Путятичъ; а охмистръ, наместъникъ ковенъскии  пан  Воитко Яновичъ; а маръшалокъ, наместъникъ моишакголскии  и дубицкии  пан  Бартошъ Таборовичъ и иныи.


[1] Падрыхтаваны на аснове копіі з Метрыкі ВКЛ.