Архіўныя дакументы і матэрыялы пра Дуніна-Марцінкевіча

Асабістае жыццё

Спіс безмаёнткавай і служылай па дварах шляхты Бабруйскага павета, якая пры падачы рэвізскіх сказак не прадставіла доказаў, а пасля патлумачыла сваю дваранскую годнасць. Пад № 37 паказаны: «Марцінкевіч Вікенцій Іванаў, 9 гадоў (так у дакуменце)… Гэты малалетні ў мінулым 1819 г. накіраваны яго маці з Панюшкевіч у г. Санкт-Пецярбург пад апеку рымска-каталіцкіх цэркваў біскупа Сестранцэвіча і зараз там знаходзіцца…». Ліпень 1821 г. На рускай мове. (НГАБ, ф. 333, воп. 9, спр. 91, арк. 686)
Станіслаў Богуш-Сестранцэвіч — рэлігійны і культурны дзеяч, вучоны, сваяк і выхавальнік В. Дуніна-Марцінкевіча. Партрэт. Фотарэпрадукцыя. (БДАМЛМ, Бібліятэка электронных копій)
Прашэнне В. Дуніна-Марцінкевіча ў Мінскі дваранскі дэпутацкі сход аб пацвярджэнні яго дваранскага паходжання. 9 жніўня 1832 г. На польскай мове. Аўтограф В. Дуніна-Марцінкевіча. (НГАБ, ф. 319, воп. 2, спр. 2032, арк. 1-1адв.)
Пратакол Мінскага дваранскага дэпутацкага сходу аб прызнанні ў дваранскай годнасці роду Дуніных-Марцінкевічаў герба «Лебедзь» (урывак). 10 жніўня 1832 г. На польскай мове. (НГАБ, ф. 319, воп. 1, спр. 178, арк. 582)
Спіс дакументаў аб дваранскім паходжанні роду Дуніных-Марцінкевічаў, складзены В. Дуніным-Марцінкевічам для прадстаўлення ў Мінскі дваранскі дэпутацкі сход. 1834 г. На рускай мове. (НГАБ, ф. 319, воп. 2, спр. 2032, арк. 10-11)
Прашэнне В. Дуніна-Марцінкевіча ў Мінскі дваранскі дэпутацкі сход аб пацвярджэнні яго дваранскага паходжання і аб залічэнні да дваранскага роду Дуніных-Марцінкевічаў сыноў Ігнація Марцінкевіча (роднага брата пісьменніка). 28 студзеня 1834 г. На польскай мове. Аўтограф В. Дуніна-Марцінкевіча. (НГАБ, ф. 319, воп. 2, спр. 2032, арк. 17)
Указ Урадавага Сената аб адмове зацвярджэння дваранскай годнасці роду Дуніных-Марцінкевічаў. 25 лістапада1835 г. Копія. На рускай мове. (НГАБ, ф. 319, воп. 2, спр. 2032, арк. 21-21адв.)
Выпісь з метрычнай кнігі Мінскага Троіцкага касцёла аб хрышчэнні Эміліі, дачкі В. і Ю. Дуніных-Марцінкевічаў, якая нарадзілася 31 кастрычніка 1835 г. 1 ліпеня 1836 г. На польскай мове. (НГАБ, ф. 937, воп. 4, спр.10, арк. 23адв.)
Выпісь з метрычнай кнігі Мінскага Троіцкага касцёла аб хрышчэнні Міраслава Эдварда, сына В. і Ю. Дуніных-Марцінкевічаў, які нарадзіўся 2 кастрычніка 1837 [1836?] г.  16 мая 1837 г. На польскай мове. (НГАБ, ф. 937, воп. 4, спр. 10, арк. 37)
Прашэнне пісьмавода Дырэкцыі вучылішчаў Мінскай губернскай гімназіі В. Дуніна-Марцінкевіча ў Мінскі дваранскі дэпутацкі сход аб пацвярджэнні дваранскага паходжання роду Дуніных-Марцінкевічаў для вырашэння сямейных пытанняў. 11 жніўня 1838 г. На рускай мове. Аўтограф В. Дуніна-Марцінкевіча. (НГАБ, ф. 319, воп. 2, спр. 2032, арк. 41)
Выпісь з метрычнай кнігі Мінскага Троіцкага касцёла аб хрышчэнні  Яўгеніі Эміліі, дачкі В. і Ю. Дуніных-Марцінкевічаў, якая нарадзілася 25 снежня [1838] г. 12 лютага 1839 г. На польскай мове. (НГАБ, ф. 937,  воп. 4, спр. 10, арк. 71адв.)
Адносіна Мінскага губернскага праўлення ў Мінскі дваранскі дэпутацкі сход аб абвяшчэнні ўказа Урадавага Сената прадстаўнікам роду Дуніных-Марцінкевічаў  аб зацвярджэнні іх у дваранскай годнасці. 2 мая 1839 г. На рускай мове. (НГАБ, ф. 319, воп. 2, спр. 2032, арк. 43, 45)
Выпісь з метрычнай кнігі Мінскага Троіцкага касцёла аб хрышчэнні Зофіі Аліцыі, дачкі В. і Ю. Дуніных-Марцінкевічаў, якая нарадзілася 12 сакавіка 1840 г. 21 ліпеня 1840 г. На польскай мове. (НГАБ, ф. 937, воп. 4, спр. 10, арк. 92)
Прашэнне В. Дуніна-Марцінкевіча ў Мінскі дваранскі дэпутацкі сход аб залічэнні да дваранскага роду Дуніных-Марцінкевічаў Ігнація Дуніна-Марцінкевіча (роднага брата пісьменніка) і яго дзяцей (урывак). 10 кастрычніка 1841 г. На рускай мове. Аўтограф В. Дуніна-Марцінкевіча. (НГАБ, ф. 319, воп. 2, спр. 2032, арк. 56-56адв.)
Пасямейны спіс двараніна В. Дуніна-Марцінкевіча. 1842 г. На рускай мове. Аўтограф В. Дуніна-Марцінкевіча. (НГАБ, ф. 319, воп. 2, спр. 2032, арк. 59адв.-60)
Выпісь з метрычнай кнігі Мінскага Троіцкага касцёла аб хрышчэнні ў Мінску Цэзарыны, дачкі В. і Ю. Дуніных-Марцінкевічаў, якая нарадзілася 16 жніўня 1841 г. 13 мая 1842 г. На польскай мове. (НГАБ, ф. 937, воп. 4, спр. 10, арк. 131адв.)
Пашпарт В. Дуніна-Марцінкевіча, выдадзены канцылярыяй Мінскага цывільнага губернатара. г. Мінск. 23 чэрвеня 1851 г. На рускай мове. (НГАБ, ф. 159, воп. 1, спр. 1513, арк. 488)
В. Дунін-Марцінкевіч з дачкой Камілай. [Пачатак 1860-х гг.] Фрагмент фотаздымка В. Дуніна-Марцінкевіча ў групе інтэлігенцыі г. Мінска. Аўтар А. Прушынскі. Фотарэпрадукцыя. (БДАКФФД, 0-127242)
В. Дунін-Марцінкевіч. г. Мінск. [Пачатак 1860-х гг.]. Партрэт. Фотадакумент. Аўтар А. Прушынскі. Копія. Унізе здымка аўтограф Б. Эпімаха-Шыпілы на польскай мове. (БДАМЛМ, ф. 66, воп. 1, спр. 1288, арк. 2)
Адносіна Мінскага ўпраўлення дзяржаўнай маёмасці ў Мінскі дваранскі дэпутацкі сход аб прадастаўленні звестак аб Каміле Марцінкевіч, дачцэ Вікенція Дуніна-Марцінкевіча з пазначэннм аб зацвярджэнні В. Дуніна-Марцінкевіча ў дваранскай годнасці. г. Мінск. 15 сакавіка 1867 г. На рускай мове. (НГАБ, ф. 319, воп. 2, спр. 2032, арк. 196-196адв.)