Юридические документы, действовавшие на белорусских землях в период Великого Княжества Литовского, Русского, Жемойтского в составе Речи Посполитой – конфедерации с Королевством Польским

Привилей Жигимонта (Сигизмунда) III Вазы, короля польского и великого князя литовского, на Магдебургское право городу Лиде.
Варшава, 17 сентября 1590 г.
Печатный документ. На старобелорусском языке. Помнікі права Беларусі XIV-XVI стст.: прывілеі на магдэбургскае права. Мінск: БелНДІДАС, 2019

Тэкст^[1]

Жыкгимонт  Третии, Божю млстью.

Ознаимуемъ тымъ листомъ нашымъ всимъ вобец  и кожъдому зособъна нинешънимъ и напотомъ будучым, кому бы того потреба была ведати.

1. Ижъ мы, хотечы в лепъшомъ порядку мети место нашо Лиду, прото тымъ подданымъ нашымъ места Лидъского […]^[2] даемъ и позволяемъ тымъ листом  нашымъ на вечъные часы.

2. До которого права ку оздобе и помноженью их  и для отъправованья справъ судовых  местъских  печать местъскую, то естъ левъ и два ключы накрыжъ, надаемъ, которую есьмо в семъ листе нашомъ на сведецътво яснеишое назначити росказали.

3. К тому вызволяемъ тыхъ подданыхъ нашых  места Лидского отъ всяких  справъ земъских  Великого Князства Литовъского и звычаевъ посполитых, которое право моидеборское затрудънять звыкли, выимуючы тежъ обыватели того места и передъмещаны теперешъние и напотомъ будучые тымъ  листомъ нашымъ отъ всякое владзы и звирхности всих  и кажъдого зособъна Великого Князства Литовъского воеводъ, кашъталяновъ, старостъ, державецъ, судеи, подсудъковъ и въсих  врядниковъ и наместъниковъ их, такъ ижъ передъ ними они альбо которыи  кольвекъ з них  зъособъна о речы такъ великие, яко и малые и которые кольвекъ выступъки становитися альбо отъповедати, и для нестанья и въсказованья которого кольвекъ правъного жадъных  винъ платити не будуть повинъни, одъно передъ воитомъ, бурмистрами, раицами, лавъниками  того места водле звычаю права посполитого, то естъ передъ воитом  и лавъниками прысягълыми, водълугъ часу будучыми, о речы крывавые, которые латинскимъ езыкомъ крыминалес  называють, яко о злодеиство, мужобоиство, на члонъках  охроменье, о пожогу и о инъшые всякие тымъ подобъные речы и выступъки, за што горъломъ карають, суду воитовъскому належачые, а передъ буръмистромъ и раицами того жъ места всякие речы и справы, которые латинскимъ езыкомъ зовуть цывилесъ, и инъшые всякие суду бурмистровъскому и радецъкому належачые, кожъдому жалобъливому такъ того места нашого обывателемъ, яко и посторонънымъ особамъ отъказывати будуть повинни. Даемъ и призволяемъ воиту з лавъниками и бурмистру з раицами в томъ помененомъ месте водълугъ часу постановеного всякую моцъ и звирхность таковые речы и справы всякие, суду их  припалые, слухать, узнавать, судить и винъных  карать водълугъ поступъку и бегу права маидеборского моцъю сего листу нашого и права, имъ от  нас  наданого, што одънако противъ всих  того места нашого обывателевъ яко тежъ и посторонъных  особъ стегатисе маеть.

4. А естъли бы которые кольвекъ особы сказанья и декреты преречоных  врядниковъ судовых  того места обътяжъливе собе быть розумели, ино вольно маеть быть имъ отъ сказни и декъретовъ их  до старосты лидского, теперъ и напотомъ будучого, апелевать, а потомъ отъ декрету старостиного до нас, гсдря, если бы была потреба отозватисе. А староста не способом  якого иного права, одно того маидеборского маеть то розомнавати.

5. На которыи  врядъ бурмистровъскии  в томъ месте чоловекъ побожъныи  и въ праве маидеборскомъ умеетъныи, в томъ же месте оселыи, не з ыных, одъно з чотырехъ особъ, посполитого чоловека, через  тыхъ же мешчанъ старосте тамошънему постановеныхъ и оказаныхъ через  того жъ старосту нашого, теперъ и напотомъ будучого, моцъю звирхности нашое одинъ постановенъ и потвержонъ быти маеть.

6. Такъже тежъ воита, чоловека побожного и умеетъного, на которого судъ речеи  крыминальных прыпадати  маеть, мы на томъ вряде и ужыванью и обыходе звыкълымъ воитовъскимъ особъливымъ листомъ нашымъ зо въсею владъностью до жывота кажъдого зъособъна альбо до воли нашое потвержать и заховать з кгрунътом, на воитовъство належачымъ, которыхъ кгрунътовъ у волокахъ не большъ маеть быти, одно волок  водъле уставы две, обецуемъ.

7. Над  то, хотечы мы тымъ подданымъ нашымъ, купъцомъ и въсякихъ ремеслъ ремесниковъ и въсякимъ обывателемъ, передъмешчаномъ того места Лидъского гоинеишую ласку нашу оказать, постановляемъ в томъ месте Лидъскомъ два ярмаръки в кожъдыи  годъ, то естъ перъшыи  на Новое лето, а другии  на Светого Крыжа, а торгъ в суботу на кожъдыи  тыидень мети и отъправовати, даючы моцъ и вольность помененымъ мешъчаномъ лидъскимъ тые ярмарки годовые и торъги кожъдое недели тых  днеи  часовъ помененых  способомъ обывателеи  инъшыхъ местъ и местечокъ Великого Князства Литовъского отъправовати.

8. А въсимъ и кожъдому зособъна купъцомъ, фурманомъ, крамаромъ, перекупъчыкомъ, ремесникомъ, мещаномъ, селяномъ и людемъ всякого стану до помененого места Лидского на дни и часы назначоные яръмаръковъ дорочъных  и днеи  торъговыхъ со въсякими товары и речъми продаиными, якимъ кольвек  именемъ назваными, вольно прыити и прыехати и таковые речы и товары выкладать, продавать, куповать, заменять и инъшые купецъства и ганъдли со въсякими особами, отъкуль бы колвекъ прыехали, справовать.

9. В которомъ месте Лидскомъ бочъку померъную в чотыры корцы краковъских  меры вольно ку вымеренью всякого збожъя обывателемъ того жъ места Лидского прывлащаем  и прыписуемъ.

10. А торговое, месное и померъное отъ бочъки по два пнзи, такъ же и инъшых  всяких  речеи  купъля и товары, которыми кольвекъ прозвиски названы, на кожъдыи  тыидень в кожъдую суботу на пожытокъ местъскии  до скринъки местъское завъжды маеть  быти выбирано, окромъ лопатокъ и иншыхъ пожытъковъ воитовъских, людеи  только посторонъных, которые на торъгъ с товаръми своими прыежъдчати будуть, окромъ всих  мещан  и передмещан  лидъских, которые отъ померъного и торгового во всих  речахъ купецъкихъ мають быти вольни водълугъ звычаю иншых  местъ нашых  упрывильеваных.

11. К тому преречоному месту Лидскому и обывателемъ вси кгрунъты местъские, то естъ у волокахъ, в селищахъ, въ огородех, в моркгохъ, в застенъкахъ, в сеножатехъ, в лесохъ со въсимъ в границахъ замероныхъ и копъцами закопаныхъ, никого не уимуючы ани умнеишаючы, одъно яко ревизоры нашы тому месту назначыли и придали и яко се тотъ кгрунътъ самъ в собе вдолъжъ и въшыръ в межах  своихъ маеть, нинешънимъ привилемъ нашымъ потвержаемъ, со въсими пожытъками на тых  кгрунътех  имъ самымъ и потомъкомъ ихъ держать и того вжывать обычаемъ инъшых  местъ нашых  упрывильеваных.

12. С которых  кгрунътовъ местъских, тымъ способомъ через  нас  тому месту наданыхъ, мешъчане предречоные, кожъдыи  з нихъ, вси цынъшы и въсякие доходы, капъщызны и инъшые повинъности, водълугъ уставъ нашыхъ у Великомъ Князстве Литовъскомъ через  нас  постановленыхъ, скарбу нашому належачыхъ, звыкълымъ обычаемъ в кожъдомъ року платити и полънити будуть повинъни, которые жъ то вси доходы и цынъшы местъские, воитъ з лавъниками места помененого выбираючы, до старосты нашого лидъского, а въ небытъности его самого, ино до врядника его отъдавать, а на то квиты собе брать маеть, платечы отъ квиту не большъ, одно по шести грошеи.

13. Ведже абы мешъчане места Лидского тымъ способнеи  оного места потребы опатровали, ратушъ збудовали, а в улицах, на гостинцахъ варунъки почынили и пильне потребы местъские опатрыли и сами тежъ домы свои добре побудовали, за унижоною прозбою их  з ласки нашое пляцовое, прутовое из  домовыхъ пляцовъ и огородных, местъскихъ всимъ обывателемъ места предречоного Лидского симъ листомъ нашымъ на пожытокъ их  посполитыи  отъпустили есьмо и даровали, такъ ижъ з них  ничого платити не будуть повинъни вечъными часы.

14. Над  то на тые жъ потребы и пожытъки места нашого помененого дали есьмо обывателемъ его и тымъ привилемъ нашымъ даем  доходы и потребы всякие з лазни, з ваги и з  с пострыгальни, которые собе мещане в месте будовать мають.

15. А ижъ бы безпечъность отъ огъня была, тогъды лазня на стороне отъ места зъбудована быти маеть. И уставъляемъ, абы жаденъ мещанинъ в томъ месте лазни особъливыхъ пры домехъ своихъ мети не смелъ, але одъна лазня посполитая быти маеть.

16. Уставуемъ тежъ и то мети хочемъ, абы шляхта, бояре, люди служебъные которого кольвекъ будучы стану, которые в преречономъ месте нашомъ оселость свою мають и мети будуть, а которые бы не были листами нашыми особъливыми с повинности местъское выняты, с таковых  своих  оселостеи  абы такъ же, яко мещане лидъские, под  тымъ правомъ жывучы, во въсяких  справахъ передъ врядомъ местъскимъ отъказали и въсякие повинъности звыкълые местъские полънили.

17. А възглядомъ таковое ласки, которую есьмо всимъ обывателемъ места Лидъского учынили, в рынъку и въ улицах  местъских, через  реки и ровы, гдебъ кольвекъ потреба была, у месте мосты мостити  и бруковати.

18. Над  то ратушъ в рынъку того места, и зекгаръ тамъ же, и школу хрестиянскую своимъ накладомъ збудовать.

19. Дороги тежъ и гостинъцы великие около места в томъ же кгрунте, только властномъ местъскомъ положоные и до того се местъца стегаючые, своимъ кошътомъ направовати будуть повинни.

20. А под  тымъ ратушомъ и около ратуша, которыи  збудован  будеть, маеть быти вольно на посполитыи  пожытокъ того места крамъницы для складанья и продаваня всяких  речеи  и товаровъ крамъных  збудовати, с которых  крамъницъ и коморъ таковых  цынъшы и доходы через  вряд  местъскии  маеть быти выбирано и на посполитыи  пожытокъ местъскии  оборочано.

21. А для небезпечъности отъ огъня солодовъни и бровары на стороне отъ места мають быти будованы.

22. Къ тому для тое жъ небезпечъности отъ огъня, абы вси мешъчане и кожъдыи  зособъна в томъ месте нашомъ комины мурованые и добре опатрованые, местъскую повинъность на нихъ вскладаемъ.

На што для лепшое веры и сведецства всих  речеи  веръхуписаныхъ дали есьмо всимъ мешъчаномъ места нашого Лидъского теперешънимъ и напотомъ будучымъ сесь нашъ листъ с подписомъ руки ншое господарское, до которого и печать нашу прывесити есьмо росказали.

Писанъ у Варшаве, лета Божъего нароженья тисеча пятъсотъ деветдесятого, мсца сенътебра семънадцатого дня.

Подпис  руки гсдръское.
Ярош  Воловичъ, писар.