Юридические документы, действовавшие на белорусских землях в период становления и развития Великого Княжества Литовского, Русского, Жемойтского
Привилей Жигимонта (Сигизмунда) II Августа, великого князя литовского и короля польского, на Магдебургское право местечку Ваганов.
Вильня, 20 сентября 1565.
Печатный документ. На старобелорусском языке. Помнікі права Беларусі XIV–XVI
стст.: прывілеі на магдэбургскае права. Мінск: БелНДІДАС, 2019
Жикгимонт Август, Божю милостю корол полскии, великии княз литовскии, рускии,
прускии, жомоитскии, мазовецкии, лифълянтскии и иных.
Ознаимуемъ симъ нашимъ листомъ всимъ посполите и кому будеть потребъ ведати або
чтучи его слышати, нинешъним и напотомъ будучимъ. Билъ намъ чоломъ воиски
берестеиски панъ Алексанъдръ Вагановъскии, абыхмо ласку нашу гсдръскую вделали,
дали и дозволили ему в ыименью его власъномъ отъчизъномъ, у селе Ваганове, при
дворе Вагановъскомъ, местечко поселити и корчмы медовые, пивъные и горелечные и
всякии шинкъ в томъ местечъку, а по два дни торговых на недели, а на год по
одному ярмарку вставити и мети, то естъ торгъ одинъ в середу, а другии у неделю,
а ярмаркъ одинъ на день свята нароженья Панны Марии, которое свято бываеть мсца
сенътебра осмого дня. К тому абыхмо дали и допустили ему в том местечъку его
право маидеборское мети и имъ ся там судити и правовати. И поведилъ перед нами,
ижъ тое местечъко его, торгъ и ярмарокъ, в немъ уставленыи, не будеть ку шкоде и
переказе местомъ, торгомъ и ярмаръком нашимъ гсдръскимъ. Ино кеды ж то зъ шкодою
и ку переказе местомъ, торгомъ и ярмаръкомъ нашимъ такъ, яко панъ Вагановъскии
намъ того справу далъ, не будеть, мы з ласки нашое гсдръское на чоломъбитье пана
Вагановъского то есьмо вделали, в томъ именью ег Ваганове право маидеборское
установити и по два дни торговых на недели, а на год по одному ярмарку свята,
которое бываеть мсца сенътебра осмого дня, нароженя Панъны Марии, даемъ и
дозволяемъ ему мети симъ нашим листомъ на вечъность. Маеть онъ в томъ именью
местечъку своемъ Ваганове корчмы медовые, пивъные и горелъчаные и всякии шинкъ,
а на недели по два дни торговых вышеи описаных мети и на год по одному ярмарку
дню и святе перворечономъ уставити, котории ярмарокъ будеть за кажъдымъ зъездомъ
по однои недели стояти, и тому тежъ право маидеборское в томъ именью своемъ
мети, которимъ подле бегу и статуту належачого в ономъ именью местечку судити и
справовати будеть. И того всего панъ Вагановъскии, жона, дети, и потомъки, и
щадъки его за симъ листомъ нашимъ вечъне уживати и пожитокъ собе с торгу, зъ
ярмаръку мети и привлащати, а дня торгового такежъ и ярмарку судити и справовати
маеть, заховываючисе и вживаючи того всего по тому во въсемъ, яко и иные князи,
панове в панстве нашомъ Великомъ Князстве Литовъскомъ з данинъ и дозволенеи
нашихъ з местъ своих пожитъки и днеи торговых и ярмаръкох, а въ судехъ вольность
под се права статуту земъского мають. Одно мыто головъное в томъ месте его такъ,
яко и у инъшихъ местехъ князких и паньскихъ естъ, заховываемъ при насъ гсдри и
потомъках наших и великих князеи литовъских. До того панъ Вагановъскии и потомки
его ничого мети не мають.
И на то даемъ пану Алексанъдру Вагановъскому сесь нашъ привилеи, до которого и
печать нашу привесити есмо казали.
Писанъ у Вильни, лет Божого нарож тисеча пятсот шестдесят пятог, мсца сеньтебра
двадцатого дня.
Подпись руки гсдръское.