Юридические документы, действовавшие на белорусских землях в период становления и развития Великого Княжества Литовского, Русского, Жемойтского

Привилей Жигимонта (Сигизмунда) I Старого, великого князя литовского и короля польского, на Магдебургское право городу Новогрудку.
Берестье, 26 июля 1511 г.
Печатный документ. На старобелорусском языке. Помнікі права Беларусі XIV–XVI стст.: прывілеі на магдэбургскае права. Мінск: БелНДІДАС, 2019

Тэкст[1]

Во имя Бжье станься. Кнжат  высоких  маестат  не такъ з витества валкъ есть, яко з уставеня справедливых  устав, або прав, которыми ж  посполитая рѣчь множится и ку великои  обфитости приходит, а прото ку векуистои  тое то рѣчи памяти  мы, Жикгимонтъ, з ласки Бжьее корол  польскии, великии  кнзь литовскии, рускии, кнжа пруское, жомоитскии  и иных  пан  и дѣдич, чинимъ знаменито симъ нашим  листом, хто на него посмотрить або чтучи  въслышит, ннѣшним  и потом  будучим, кому будет  потреб  того вѣдати. Маючи възгляд  посполитого доброг  розмноженя и хотячи положеня мѣста нашого Новгородског  в мере лепшои поставити, абы люди  наши, тамъ мешкаючи, через  ряд  добрыи  а справедливыи  были розмножены:

1. Тое мѣсто нашо Новгородок  с права литовского, и руского, и которое коли будет  там  перво держано, в право немецкое, которое зовется маитбарское, переменяем, на вѣчные часы въставляем  и даем  им  знову обычаи  подлуг  того права маитбарского зуполное ряжене и всю въставу, отдаляючи  того мѣста вси права, уставы и обычаи перво держаныи, которые ж  тое право маитбарское нагабают, засмучають або перекажают.

2. А про то подлуг  того права немецкого въ мѣсте вышереченом  Новгородском  воитовство знову въставляем  и тым  нашим  листом  тое воитовство надаваем, от  всих  пересудов  и вин  на воита третии  пеняз, а на ратушу два пенязи ку пожитку посполитого доброго мѣстьского.

3. Теж  даем  корчму одну волную с платом  ннѣшнему воиту и по нем  будучимъ [ку его обыштью.

4. Мают тежъ ятки збудовати][2] мясные, а с них  в каждую суботу мают  мясо давати  на замок  подле стародавного обычая, а плат  з мѣстца тых  яток  мают  брати  на ратушу, а одну ятку с платом  ее даем  ннѣшнему воиту и по нем  будучим  воитом  дла живности его.

5. Такеж  тым  то нашим  привилеем  приказуем, абы в том  вышереченом  мѣсте нашом  Новгородском  мѣщане, на наших мѣстцах  мешкаючи, того права маитбарского, то есть немецкого, поживали и ему во всих  рѣчах  повинни были, и въ кождом  дѣле послушни. Зануж  тых  мѣщан  и все поспольство вже от  тых  часов  выимуем  от  права замку нашого Новгородског  и от  всихъ судов  и моци воевод, старостъ, намѣстников, судеи, также кнзеи, и бояр, и всих  врядников  наших  Великого Кнзьства Литовского, так, иж  о которых  коли дѣлех  перед  них  будут  позвани, в праве не будут  повинни стояти ани им  отповѣдати, але естьли з них хто кому будет  чим  виноват, мает  им  справедливость статися пред  воитом  их  и бурмистры и рядцами.

6. А естьли воит  а любо бурмистры будуть вѣдатися несправедливи, тогды о тую рѣч  мают  позвани быти  перед  насъ самих, и им  отповѣдати, которых же маем  тым  жо их  правом  судити.

7. Такеж  подводу мают  давати  под  гонца нашого, коли олиж  увидят  листъ подводныи, сыкгнетом  нашим  запечатаныи, а под  послы и под  иныи  потрѣбы не мают  подвод  давати, кроме нашого приезду.

8. Также для того доброволенства, которое ж  есмо дали  тому мѣсту нашому Новгородскому, мают  мѣщане ннѣшнии  и по них  будучии  в каждыи  год  нам  давати  до скарбу нашого по пятидесят  золотых  вгорских.

9. А коледы и волочобного не мают  на замокъ наш  давати  подле давного обычая.

10. А серебщину  нашу великую и малую, и теж  ординщину, коли положи[мъ по въсим] городом, и мѣстом, и волостем  нашим  у отчизне нашои  Вели[комъ] Кнзьстве Литовском, мают  нам  мѣщане новгородские без  каждое вымовы давати  по-давному, собравши съ себе и теж  со всих  тых  людеи, чии бы колве были, дховных  и святских, на тых, которыи бы в мѣсте торгом  або ремеслом  обходили, по тому ж  и воевщины собравши, воитъ мает  до скарбу нашого отослати.

11. Такеж  што ся тычет  корчом, плат  с них  мает  быти  на нас  от  меду и от  пива по-давному, нежли коли мед  пресныи  бывает  дорог, тогды воит  з бурмистры и рядцами подлуг  дорогости мают  меру въстановливати, как  мед  кислыи  по корчмам  мает  быти  шинкован, або прибавяти  меры, або вменшати, то они будут  вѣдати. А в то ся воевода и городничии  и иныи врядники наши не мают  въступатися, ани  ведерек  померивати  не мают  по корчмамъ.

12. Также слуги воевод  новгородских  и их  намѣстников  не мают  в домех  мѣстьских  стояти  тых, которые сут  под  воитовою рукою, лечь бы которыи  мѣщанин  своею доброю волею кого хотел  въ своим  дому поставити, то есть у его воли.

13. З вина горелого плат  даем  на замок  наш  подле давного обычая.

14. Такеж  мѣщане новгородскии  мают  вызволеня от  сторожи подле давного обычая, нежли къ приезду нашому, коли мы сами персоною нашою бываем  в Новегородци, повинни сут.

15. Теж, кроме мѣщан  виленских  и иных  мѣстъ, купци наши не будут  моци мѣти инако продавати  ани куповати, толко под  тою мѣрою, нижеи выписаною: наипервеи, [воски — шту]кою або камень; соболи, куници, тхори — по сороку; [белку, г]орностаи, ласицу, норку — по сту. Теж  мають продавати: [сукна] — поставом; китаики, тафты — кесеком; шолки — литрою; [перец], инкгбер, микдалы и иншии  зелья простые — каменемъ; [шаф]ран, мушкаты, гвоздики, квет  мушъкатовыи, кгал[кган]ы, цетварь и иншии  зелья дорошшии — фунтом; крамные [дро]бные рѣчи всякого товару — десятком  або тузиномъ; [желе]зо — возом; бѣлое железо — бочкою або стом; олово, мед, цину — [ка]менем; фикги, розинки — крошнями; вино какое колве [и п]иво немецкое и иншии  питя чужие — бочкою целою. Тые [ку]пци чужие не будут  смети  под  меру мѣншую продавати [ани] куповати, толко как  уверху писано, а естьли бы ко[тор]ыи  своею смелостью иначе вчинил, тогды тую ку[плю] до коморы нашое воит  на нас озмет  и ку скарбу на[шо]му мает  дати.

16. Также люди  кнзьские, панские и боярски[е, при]возячи  всякии  товар  купецкии, и теж  стравные на возех [по то]му ж  мают  уздоимом  продавати, а по роздробици не про[дав]ати. А самоволных  и впорных, хто бы хотел  черес  тот  выпис  [поро]зну продавати, воит  по тому ж  мает  забирати  до скарбу наш[ого.

17. Теж в]ажницу, воскобоиню и капницу мают  справити  и во[ски т]опленые мают  печатю своею мѣстьскою знаменовати, а с т[ого пож]итки ку посполитому доброму мѣстьскому мают  захо[вати].

18. Полецаем  теж  воиту и бурмистром  на тот  час  будучим, и напо[том] которые будут, вси мѣстца пустыи в мѣсте и около [мѣс]та, паля наши ку осоженя и розмноженю людеи, нежли [што] пашня наша городовая, в тыи  поля мѣщаном  теж  не всту[патися].

19. Даем  теж  доброволенство всим  мѣщаном  брати  дерево на будоване домов  их и теж  на кухню дрова в борех  и в лесех  и в га[ех] наших  около мѣста за три[3], у Офанове и за Промшевю, окром  бортного дерева, которого ж  рушити  не смеют.

20. Теж  гдѣ перед  тым  добыток  свои они пасывали, и ннѣ доброволно им  без  каждог  нагобаня там  паствити.

21. Въставляем  теж  в том  то мѣсте нашом  шесть рядецъ а осмъ присяжников, половица закону римъского, а половица закону греческог, с которых  жо шести рядецъ воит  посполь з рядцами мают  в каждыи  год  выбрати промеж  себе двух  бурмистров, один  закону римског, а другии  грецког, которых  руками, обаполни з воитом  и со всею радою посъполство мает  ряжено быти, и приказуем, абы на вѣчные часы вышемененое мѣсто в том  ся твердо ховало.

22. Допущаем  теж  им  справити  ратушу, под  которою ж  будут  мѣти  всякие крамници, и ятки хлѣбные, и комору пострыгалную. А плат  с них  на ратушу ку розмноженю посполитое рѣчи мѣста оного. А кнзем  нашим, и паном, и бояром, также и дховным, и святским, кождому з них  не допущаем  крамници ани яток  мѣти. А которыи  бы с них  смелостью своею черес  заказ  наш  смел  то вчинити, дозволили есмо воиту и мѣщаном  то розметати.

23. Тамже на ратушу мают  мѣти  четверти мерные и медницу под  их  знаменем  мѣстьских, а пожиток  ку оправе мѣстьскои, а иному никому не дозволяем.

24. Теж  мыто нашо новгородское и с промытою мают  мытники наши на нас  держати, к вѣрнои  руцѣ, або кому продадим, або кого з ласки нашое пожалуем, то есть в нашои  воли.

25. Такеж  дозволяем  им  к мѣстьскому пожитку [млын] збудовати  на мѣстци подобном  на рѣце Городечне, на земли [на]шои  понижеи  плебанского млына, так, как  бы вымѣлком  ста[ры]х  млынов  наших, которое ж  к замку прислухают, не было [н]а переказе, абы плат  их  суполно был.

26. Также тому мѣсту [н]ашому Новгородскому даем  и записуем  и дозволяем  супол[не т]ым  ся правом  маитбарским  судити и рядити, а надо все тое болшое право собѣ, яко гсдрю, зостовляем.

Сталося и да[но в] Берести, на вѣликом  соиме, лѣта Бжьег  тисяча пятсот  [перв]ого-на-десят, мсца июл  26 днь, индикта четвертог-на-[дес]ят.

При том  были: кнзь Воитех, бискуп  виленскии; воевода в[илен]скии, канцлѣр  пан  Миколаи  Миколаевич  Радивилович[а; в]оевода троцкии, маршалок  дворныи  пан  Григореи  Станис[лав]ович  Остиковича; пан  троцкии, староста жомоит[ск]ии  пан  Станислав  Янович; воевода полоцкии  пан  Ст[ани]слав  Глѣбович; староста городенскии  пан  Станислав  [Пет]рович; воевода витебскии, маршалок  и секрѣтар  пан  [Иван Со]пѣга; а маршалок, староста берестеискии  и лидскии  пан  [Юри И]ванович  Ильинича; и иные панове рада наша.

А над  [тые вс]и рѣчи съведетства и лепшую твердость печат  наш[а к] тому то листу есть завѣшена.


[1] Падрыхтаваны на аснове копіі з Метрыкі ВКЛ (кніга запісаў 9).
[2] Тут і далей у квадратных дужках дадзены тэкст, адрэзаны ў кнізе запісаў 8, але існуючы ў кнізе запісаў 9.
[3] Далей у кнізе запісаў 8 стаіць слова «мили».