Разделы
Органы архивного дела и делопроизводства и система государственных архивных учреждений
Дзяржаўны кантроль у галіне архіўнай справы і справаводства
Архивное дело
Нормативная база
Архивные справочники
Фондовый каталог государственных архивов Республики Беларусь
Тематические разработки и базы данных
Генеалогия
Археография
Геральдика
Услуги
Административные процедуры
Образование
Журнал «Архивы и делопроизводство»
Каляндар знамянальных і памятных дат па гісторыі Беларусі
Профессор М.В. Довнар-Запольский
Главная Новости отрасли

Новости отрасли

29 мая 2017 г.
26 мая 2017 г. адбыліся традыцыйныя Узвышаўскія чытанні, якія штогод арганізуе Беларускі дзяржаўны архіў-музей літаратуры і мастацтва. Гэтым разам канферэнцыя была прысвечана 125-годдзю з дня нараджэння гісторыка, архівіста і пісьменніка Міхася Мялешкі (1892 – 1941) і прайшла ў не зусім звыклым месцы – мастацкай галерэі “Універсітэт культуры”. Тамсама адкрылася і выстава “Міхась Мялешка. Жыццё дзеля будучыні”.

З прывітальным словам да прысутных звярнулася першы намеснік дырэктара Дэпартамента па архівах і справаводстве Міністэрства юстыцыі Рэспублікі Беларусь Вольга Бірукова, пасля чаго выступілі ўнучка М. Мялешкі Наталля Спічко з цікавым і кранальным расповедам пра дзеда і кандыдат гістарычных навук Станіслаў Рудовіч з дакладам “Міхась Мялешка ў рэвалюцыйным водавароце 1917 года: погляд праз стагоддзе”.

Сапраўдным святам для ўдзельнікаў канферэнцыі стаў канцэрт, які зладзілі сваякі М. Мялешкі – госці з Санкт-Пецярбурга: кампазітар і канцэртмайстар Наталля Спічко, яе муж – заслужаны артыст Расіі Васіль Спічко і сын – саліст Міхайлаўскага тэатра Іван Спічко. Прагучалі як вядомыя арыі з класічных опер, так і творы з вакальнага цыкла Н. Спічко “Самарский туесок” на тэксты, запісаныя М. Мялешкам у час ссылкі ў Самару.

Канферэнцыя працягнула працу, падзяліўшыся на секцыі. Першую з іх адкрыла сцэнарыст і рэжысёр Марта Клінава з расповедам пра новы фільм, прысвечаны рэпрэсаваным літаратарам. Астатнія даклады былі прысвечаны М. Мялешку: “Адносіны М. Мялешкі да краязнаўства і архіваў ў святле дыскусій 1920 – пач. 1930-х гг.” (дакладчык Міхаіл Шумейка), “Міхась Мялешка ў даследаваннях Віталя Скалабана” (Ганна Запартыка), “Архіў Мялешкі: (не)чаканае вяртанне” (Вольга Бабкова), “Сяргей Мялешка – сучаснік, калега і цёзка па прозвішчы Міхася Мялешкі” (Віктар Жыбуль).

Другая секцыя традыцыйна была прысвечана творчаму аб’яднанню “Узвышша” і літаратурнаму працэсу 1920 – 1930-х гг. увогуле. Прагучалі даклады “Аб неабходных удакладненнях да энцыклапедычных артыкулаў, навуковых каментароў і даведнікаў, прысвечаных літаратурнаму працэсу 1920 – 1930-х гадоў: па матэрыялах архіўнага росшуку (Уладзімір Дубоўка, Алесь Дудар, Анатоль Вольны, Майсей Кульбак)” (Ганна Севярынец), “Узвышанскія паэмы Уладзіміра Дубоўкі: гісторыя тэксту” (Таццяна Хоміч), “Светапоглядная эвалюцыя Кузьмы Чорнага як выяўленне зрухаў у грамадскай свядомасці” (Алена Гурская), “Літаратурная крытыка Кузьмы Чорнага 1930-х гадоў” (Алена Карп), “Дыстанцыяваныя намёкі на Леніна і Сталіна ў творчасці А. Мрыя” (Валеры Назараў), «Паэтычны зборнік Ганны Новік “Жменя асенніх думак”» (Аксана Данільчык).

Выстава “Міхась Мялешка. Жыццё дзеля будучыні”, на якой экспануюцца творчыя і біяграфічныя дакументы гісторыка, сёння адкрытая для наведванняў у галерэі “Універсітэт культуры”. Але неўзабаве экспазіцыю плануецца перанесці ў Беларускі дзяржаўны архіў-музей літаратуры і мастацтва.


XVII Узвышаўскія чытанні. 26 мая 2017 г.


XVII Узвышаўскія чытанні. 26 мая 2017 г.



XVII Узвышаўскія чытанні. 26 мая 2017 г.


XVII Узвышаўскія чытанні. 26 мая 2017 г.

Страницы: 1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102 
Архив по годам: 2017 | 2016 | 2015 | 2014 | 2013 | 2012 | 2011 | 2010 | 2009 | 2008 | 2007 | 2006
Объявления
11 декабря 2017 г.
21 декабря 2017 г. Белорусский научно-исследовательский институт документоведения и архивного дела проводит семинар «Делопроизводство без ошибок» Подробнее >>
Новости сайта
14 августа 2017 г.
На сайте открыт доступ к просмотру эталонных изображений и описаний гербов и флагов Подробнее >>
23 мая 2017 г.
На сайте начала работать поисковая система “Дапаможнік” Подробнее >>
Новости отрасли
13 декабря 2017 г.
Белорусский государственный архив кинофотофонодокументов и TUT.BY представили очередной выпуск совместного проекта "Как это было" Подробнее >>
05 декабря 2017 г.
К 100-летию органов Записи Актов Гражданского Состояния сотрудники Государственного архива Минской области подготовили виртуальную выставку Подробнее >>
01 декабря 2017 г.
21-22 ноября 2017 г. в Москве состоялась ХХIV Международная научно-практическая конференция «Документация в информационном обществе: актуальные проблемы управления электронными документами» Подробнее >>
01 декабря 2017 г.
23 ноября 2017 года заместитель директора по научной работе Государственного архива Минской области Юлия Владимировна Матусевич успешно защитила диссертацию Подробнее >>
24 ноября 2017 г.
В Белорусском научно-исследовательском институте документоведения и архивного дела переиздана Инструкция по делопроизводству в государственных органах, иных организациях Подробнее >>