Юридические документы, действовавшие на белорусских землях в период Великого Княжества Литовского, Русского, Жемойтского в составе Речи Посполитой – конфедерации с Королевством Польским

Привилей Жигимонта (Сигизмунда) III Вазы, короля польского и великого князя литовского, на Магдебургское право городу Витебску.
Варшава, 17 марта 1597 г.
Печатный документ. На старобелорусском языке.
Помнікі права Беларусі XIV–XVI стст.: прывілеі на магдэбургскае права. Мінск: БелНДІДАС, 2019

Тэкст^[1]

Жикгимонт  Третии, Божю млстю корол  полскии^[2]. Ознаимуемъ сим  листомъ нашим  всимъ вобецъ и кождому зособна, нинешнимъ и напотомъ будучимъ, кому бы то ведати належало, ижь славутные мещане конные поселские и все посполство места нашого Витебъского, маючи з давныхъ часовъ великие волности, от  продковъ нашихъ королеи  ихъ млсти польскихъ и великихъ кнзеи  литовскихъ им  наданые, а не маючы только права маидеборского и будучы подъ присудомъ замку нашого тамошнего, не могли ку досконалому порядку и розъширенью того места нашого привести и розмъножити и били намъ, гсдру, чоломъ вси огуломъ черезъ посланъцов  своихъ, абы есмо для лепъшого розъмноженья того места украинъного и порядку прикладомъ продковъ нашихъ, вызволивши ихъ от  вшелякое владзы, звирхности враду воеводского замкового и инъших  врадовъ земъскихъ, право маидеборское имъ надали и привилемъ нашимъ утвердили. За которыми и ихъ млст  панове рада и врадники наши обоего народу, на теперешнемъ соиме валномъ при насъ будучые, и панъ воевода витебъскии  вельможныи  Миколаи  Сапега черезъ листь свои  сталую веръность и подданство ихъ, а звлаща подъ часомъ валки з неприятелемъ, великимъ кнземъ московскимъ, продъкомъ нашимъ и Речи Посполитои  цале отдаваное, передъ нами залецаючы в причине насъ за ними жедали, указуючы то, же мещане и обыватели места тамошнего, кгды тое право з ласки нашое одержать, не только станъ свои  лепъшимъ учинити, але тежъ, кгды се розъмножать, в маетности запомогуть и место нашо тамошнее яко пограничное, на котором  намъ и Речи Посполитои  немало залежить, за часомъ лепеи  а досконалеи  обваровано и въ болшую безъпечность противъ кождого неприятеля приведено мети могуть. А такъ мы, гсдръ, видечи то, же высокии^[3] маестатъ монархов  и княжатъ не только звытяжъствомъ валкъ бываеть подвышонъ, але тежъ с постановенья правъ и справедливыхъ уставъ до розширенья панъствъ и помноженья всего доброго приходить. Бо з добрыхъ уставъ справедливости всихъ местъ ненарушоныи  есть фунъдамент  и тою самою з малых великие и славные места з озъдобою и пожиткомъ Речи Посполитое уростають, а где зась порадныхъ уставъ и права писаного варовного обыватели не мають, тамъ для самого непорадку великие и можные места до згубы и знищенья приходять и в нивошто ся оборочають.

1. За чымъ тежъ з особливое ласки нашое, хотечи станъ и кондыцыю тыхъ мещанъ нашихъ витебъскихъ лепъшую учинить и з ынъшими месты нашими головными такъ в Коруне Полскои  яко и въ Великомъ Князстве Литовскомъ поровънати, за причиною ихъ млсти пановъ радъ и врадниковъ нашихъ тое место Витебъское яко у своихъ границахъ заложоное естъ и теперъ се мает  и всихъ огуломъ обывателевъ места того в месте, на передместю и въ фолваръкахъ по селахъ мешкаючыхъ, зъ ихъ всими добры, поддаными, маетностью и належностями с права земъского Великого Князства Литовъского, от  всякое юриздицыи и моцы судовъ головныхъ трибуналныхъ, такъже з моцы всихъ воевод  витебъских  и з ынъшихъ всякихъ воеводъ, кашталяновъ, старостъ, державец, врадовъ земъскихъ и инъшихъ преложоныхъ и децкихъ выимуемъ и вылучаемъ и вечне вызваляемъ, а подъдаемъ ихъ праву и суду маидеборъскому и уставуемъ то, ижъ мещанъ места Витебъского нихто инъшии  судити и владзы мети не будеть, только воитъ сам  и сполне з бурмистрами, раицами и лавниками водлугъ способу и порадку права маидеборъского и прикладом  инъшихъ местъ нашихъ судити будуть.

2. А воита мы и потомъкове наши, короли полские и великие кнзи литовские, з народу шляхетского веры хрестиянъское повшехъное, яко права маидеборское давное указуеть, водле воли нашое подавати будемъ. Вед  же каждыи  воитъ по упривилеванью нашомъ або потомъковъ нашихъ, от  вышъшого до наменшог  стану шляхетского, заровно в томъ почитаючы, первеи  присегу на отправованье судовъ и на то, же месту зычливыи, права в целости задерживати, згубы перестерегати, а о помноженье и розъширенье посполитого доброго меского старатисе будет  выконывати, а потомъ врадомъ воитовскимъ владнути мают. Яко жъ вжо дали есмо тое воитовъство земенину нашому воеводства Витебъского урожоному Юръю Летецъкому до живота его.

3. На которое воитовъство драгилное и село Короваино, яко перед  тымъ належало, и прошлые воитове то держивали, и теперешнии  вжо в держанью своемъ маеть, такъ и в часъ пришлыи  тое село зо всими приналежностями и пожитками и все то, што перъвые воитове держивали и якихъ кольвекъ пожитковъ и доходовъ уживали, на тое воитовъство витебъское вечными  часы фунъдуемъ и утвержаемъ.

4. Которому воиту нашому теперешнему и потомъ будучимъ даемъ во всихъ криминалах, и в инъшихъ судахъ, и во всихъ справахъ головныхъ и поточных  зуполную моцъ водлугь описанья права маидеборского судити, сказывати и винъныхъ карати.

5. До того воиту витебскому лентъвоита постановити позволяемъ, подъ правомъ тамошнимъ витебъскимъ местъскимъ оселого.

6. Обыватели тежъ витебъские местъские буръмистровъ, раицов  и лавниковъ водлугъ порадъку права маидеборъского и звычаевъ места нашого столечного Виленьского и инъшихъ местъ нашихъ обирать и воиту нашому тамошнему оказовати повинъни будуть. А воитъ особъ, на тые врады водле права маидеборъского обраныхъ, присеги выслухати и до себе на суды  приимовати и з ними справы судовые онъ самъ або лентъвоитъ его порадкомъ права маидеборского отправовати маеть.

7. А мещане и все посполство места Витебского о въсякие речи крвавые и поточные перед  тымъ врадомъ воитовъскимъ витебъскимъ кождому жалобливому усправедливятисе и за наказомъ судовымъ досыть чинити повинъни будуть, а вед  же не инъшимъ которымъ правомъ, одно водлугъ артыкуловъ и описанья права маидеборского, яко се вышеи  поменило.

8. А естли бы се кому жъ кольвекъ судъ вряду местъского с кривъдою быти виделъ, таковому кождому волно будеть до насъ, гсдра, и до потомков  нашихъ за дворомъ апелевати, ведъ же и на дворе нашомъ тымъ же правом  маидеборъскимъ сужоны быти мають.

9. А где бы воитъ в судехъ важныхъ самъ або и з ыншими врадники не з особы, але з уряду своего кривду кому учинили, тогды за позвомъ нашимь будуть повинъни передь нами, гсдремъ, становитисе и водлугъ права маидеборского усправедливяти певнымъ рокомъ от  положенья позву нашого, естли в Коруне Полскои — за осмь недель, а естли у Великомъ Князстве Литовскомъ будемъ — за чотыри недели.

10. Гербъ тому месту нашому Витебъскому: в блекитном  полю образъ светого Спаса Збавителя нашого, и при томъ заразъ троху нижеи  мечъ голыи  чирвоныи, што се маеть розуметь крвавыи. И таковаго геръбу печать тому месту надаемъ, утверъжаемъ и в сем  листе нашом  вымалевать есмо казали, которою печатью врад  оного места у судовъ и в ыншихъ справах и потребахь местскихъ печатовать и того гербу тое место уживати  маеть вечными часы.

11. Ижъ тежъ места наши упривилеваные дла оздобы местское хоруговъи мають, тогды мы тежъ и тому месту нашому Витебъскому межи инъшими оздобами и тоть клеинотъ, хоруговъ, подъ тымъ же вышеи  мененымъ геръбомъ надаемъ и у вечные часы утверъжаемъ. Мають мещане витебъские тое хоруговъи за справою ураду местъского воитовъского уживати, а подчасъ посполитого рушенья потребы военное при хоруговъи земъскои  витебъскои  с хоруговъю местскою витебъскою становитисе и, никоторыхъ незгодъ и розрозненья не уживаючы, хоруговъ земъскую поветовую и станъ рыцерскии  шляхетскии  въ звыкломъ ушанованью и учтивости маючы, отпоръ неприятелю зодъного довати.

12. И людемъ тежъ ремеснымъ кождому цеху свою хоруговъ в томъ месте за справою и ведомостью враду местского меть позваляем  и вечне утвержаемъ.

13. А што се дотычет  винъ судовъ права маидеборъского, в томъ месте такъ ховать уставуемъ, яко тое право немецкое^[4] маидеборъское учить.

14. Отчизны ихъ, фолваръки, именья, села, поля местъские, здавна тым  мещаномъ витебъскимъ належачие, и пущи тыхъ, яко хто чого перад  тымъ уживалъ, такъ и на вси потомные вечные часы уживати маеть подъ правомъ маидеборскимъ и зверхностыо враду тамошнего витебъского местъского.

15. Ку тому тежъ крамъницы и коморы для складанья речеи  и товаровъ, такъ тежъ ятъки месные, пострыгалню, торъговое, перевозъ на реце Двине и Лучосе, лазню местскую на пожитокъ того места збудовати тому месту надаемъ.

16. Домъ тежъ гостинъныи, для людеи  приеждчихъ купецъкихъ збудованыи, з вагою местскою, водле первъшого давнего звычаю ихъ, и померъное от  збожя вшелякого подъ справу, пожитокъ и присудъ местскии  прилучаемъ и поддаемъ вечными часы.

17. До того яко з давныхъ часовъ от  продковъ нашихъ, королеи  ихъ млсти польскихъ и великихъ кнзеи  литовскихъ, обыватели места Витебъского мають привилея собе наданые, которыми ихъ на вечные часы от  мытъ вшелякихъ во всихъ панъствах нашихъ волными учынено, которое волности они и до сих  часовъ спокоине уживають, тогды и тымъ теперешнимъ привильемъ, водлугъ тых  же привильевъ продъковъ нашихъ и водлугъ уживанья ихъ, от  плаченья мытъ старых  во всихъ панъствахъ нашихъ — в Коруне Полскои, и Великомъ Князстве Литовскомъ, и въ земли Лифлянтъскои, в местехъ наших, князскихъ, паньскихъ, духовныхъ и светскихъ, и по дорогах  купъцовъ места Витебъского вызваляемъ и волность имъ в томъ здавна наданую утверъжаемъ.

18. Ку тому тежъ вси пожитки и доходы, тому месту Витебъскому здавна належачие, которых  они и до сихъ часов  в уживанью были и которые от  воевод  нашихъ витебъскихъ и наместниковъ ихъ на нихъ надъ права и волности ихъ вытегивано и з мусу брано, яко струговое, чолъновое, возовое, узвестки и квитовое, кгды за границу едуть, у Витебъску, на Лужосне, у Суражу и на Велижу, такъже и тые, которые власне брать належали, яко пересуды, вины и вси инъшие пожитки, доходы теперешнимъ листом привильемъ нашимъ имъ вечне даемъ и утвержаемъ. Мають они тыхъ всихъ пожитковъ, в томъ привилью помененых, яко и тыхъ, которыхъ в держанью до того часу были, и напотомъ прибавити могуть на врад  местскии  воитовъскии  и ку ратушу на пожитокъ местскии  уживати на вси потомные часы.

19. А за то мещане места Витебъского ратушъ ку оздобе местскои  будовати и фунъдовати повинъни будуть.

20. На улицахъ местскихъ, где бы колвекъ потреба того была, мост  мостити або бруковати и опатровати мають за справою и дозоромъ вряду местъского тамошнего витебъского.

21. А ижъ тежъ преречоное место нашо Витебъское з давныхъ часовъ от  продковъ нашихъ межи инъшими волностями и то объваровано маеть, же кнземъ, паномъ, шляхте мещанъ своих  в месте Витебъскомъ не волно меть, тогды мы яко при всихъ волностяхъ, такъ и при томъ праве ихъ в целости зоставуючы, утверъжаемъ и вечными часы мети хочемъ, абы нихъто вшелякого стану людеи  от  вышъшого до наменъшого стану в помененом  месте нашомъ и на пъредместьяхъ собе не привлащал  и не мел, кгдыжъ многими юриздицыями и зверхностями места нищеють. Яко жъ и по дате сего привилею нашого никого и никоторыхъ добръ от  юриздицыи местское витебъское вылучати и вызваляти не маемъ и никому жадныхъ привилеевъ з уимою владзы зверхности враду тамошнего и доброго посполитого местского давати не будемъ. А хотя бы хто и одержалъ привилеи  от  насъ, сему привилею нашому противныи, тогды таковыи  никоторое моцы в кожъдом  суде и местцу мети не маеть, але сесь привилеи  нашъ яко во всем, такъ и в томъ помененомъ арътыкуле, моцно держанъ быти маеть. А где бы которыи  шляхътичъ от  вышъшого до мнеишого стану, заровно в томъ почитаючы, оселости в месте Витебъскомъ або на передместью набылъ, тогды с тою оселостью не инъшому, але тому праву и юризъдыцыи враду местьского тамошнего во всем  подълегати и вшелякие повинъности заровно зо всими обыватели выконывати повиненъ будеть.

22. Естли же тежъ люди розныхъ становъ духовныхъ и светскихъ якимъ колвекъ способомъ в том  месте нашомъ Витебскомъ и на пъредместях оселости свои мают  и которые тежъ купецтва, ремесла альбо торъговъ местскихъ уживають, тогды, будучы подъ тымъ правомъ маидеборъскимъ, заживаючы и веселечися з него, под  вси тежары местские подлегати и заровно з ыншими мещаны нашими тежары оборону противъ неприятеля выконывати мають.

23. А над  то ку пожитку и розъмноженью ихъ надали и утвердили есмо в томъ же месте Витебъскомъ ярмарокъ годовыи  один, на ден  светаго Петра, свята римского, которыи  черезъ чотыри недели трвати маеть.

24. А через  тот  яръмаркъ вшелякого стану люди наши и чужоземъцы, такъ тые, которые торъговати и  продавати, яко и тые, которые куповати будуть, никоторыхъ мытъ и цел  нашихъ и жадныхъ инъшихъ никому  давати не мають и повинъни не будуть.

25. На тотъ же ярмарокъ позволяемъ имъ мети склад  — сто медницъ меду, розъсытивши, доброволне и безъмытне вышинковать.

26. Торъги тежъ волные кождого дня волно им  мевать, окромъ свят урочистых  и недели, тые водле обраду и звычаю костела повшехъного рымъского безъ отправованья роботъ и торъговъ в ушанованью отправовать приказуемъ.

27. Яко жъ всимъ якого колвекъ стану людемъ купецкимъ, фуръманомъ и кожъдому приежъдчому, откуль хто колвекъ до того места нашого Витебъского с товаръми на торъги и ярмаръкъ приедеть, даемъ волность продавати, куповати, заменяти и з них  волно и безъбечно одеждчати, отдавши и поплативши повинност местскую, кромъ таковыхъ людеи, которые бы тамъ приехавши якого злочинъства заживали, за тымъ такового права и волности уживати и товарышъства межи людеи  добрыхъ мети годными не были, тые таковыхъ правъ, от  насъ поданыхъ, заживати не мають.

28. Вед  же купъцы приеждчие не объчимъ купцомъ, только купъцомъ обывателемъ места Витебъского всякие товары огуломъ продавати мають. А они зас, купцы витебъские, кождому объчому и на сторону, так же и въ месте по розну тые жъ товары продавати будуть.

29. Гости приеждчие, купъцы нигде инъдеи, одно передъ воитомъ, врадом  местскимъ тамошнимъ судитисе и справы свои отправовати и кождому укривжоному успъраведливитися повинъни будуть о вшелякие ексцесы и выступъки, тамъ у Витебъску пополъненые и сталые.

30. А ижъ кождыи  врадникъ для досконалшого отправованья справъ, враду его належачих, спокоиного мешканья потребуеть и для того покоем  особливымъ посполите объваровываны бывають, яко о томъ ясныи  прикладъ в ынъшихъ местехъ нашихь упривильеваныхъ есть, тогды и тому месту нашому Витебъскому з ласки нашое варуемъ, же на ратушу, такъже в домехъ воитовъскомъ, бурмистровскихъ, раицовъ и лавников  врадники наши, жолнеры, гаидуки, слуги воеводские врадовые и нихто з гостеи  приеждчихъ становитисе не мають и никому господы у них  з ураду записованы быти не могуть, опрочъ самое бытности нашое гсдръское.

31. Жидове тежъ в томъ месте нашомъ Витебскомъ ниякихъ оселостеи  водлугъ давного звычаю мети не мають.

32. Людеи  реместныхъ, золотаровъ, кравъцовъ, слесаровъ, ковалев, котъляров, резниковъ, сыромятниковъ, кожемяк, пекаровъ, гонъчаровъ, шевцовъ, теслевъ, кушнеровъ и инъшихъ всякихъ реместников  от  роботы замъковое волными чинимъ.

33. А подъвод  подъ посланъцы наши яко перед  тымъ не давали, такъ и теперъ давати не мают  вечными часы.

34. А по выистю перемеря, подъ часъ непокою и валки з неприятелемъ панъствъ нашихъ, великимъ кнземъ московъскимъ, и противъ кожъдого неприятеля обыватели места Витебского водлугъ стародавного звычаю, под  справою воита своего будучы, оборону и всю повинъность военъную выконывати повинъни будуть. Але под  часъ пакою и перемиря на всякие тежари, воине и небезъпеченъству належачие, они примушани быти  не мають и овшемъ в покою заховани будуть.

35. Вилкер, то естъ способъ порадку повинъностеи  и иньшихъ розныхъ справъ ку доброму посполитому, мещаномъ нашимъ витебъскимъ згодне з воитомъ намовить и застановить позволяемъ и по намовеню и застановенью ихь держать и водле того се заховат  всимъ приказуемъ и утвержаемъ.

36. А ижъ тежъ в томъ месте ншом Витебъском  мещане тамошние до сего часу двух назвискъ заживали, одны конными, а другие посполствомъ се называли и одны на другихъ се прекладали, тогды мы, имъ всимъ тое право маидеборъское надаючы, всихъ ровнаемъ такъ, ижъ вжо назвискъ собе ниякихъ не вынаидуючы ани одны на другихъ не прекладаючы, вси одное кондыцеи быти  мають, яко в ыншихъ местехъ нашихъ упривилеваныхъ.

37. До выбиранья доходовъ местскихъ тые жъ присяжные врадники местские быти мають, с которыхъ доходовъ и въсихъ приходовъ и росходовъ местъскихъ в кождыи  годъ на день Нового лета, водле каленъдару римского, личъбу перед  воитомъ и посполством  чинити повинни будуть. А воитъ, личъбы выслухавшы, з ведомостю посполства ихъ квитовати будеть. А квитацея воитова такъ, яко наша гсдръская важна быти маеть.

В котором  томъ праве маидеборъском, от  насъ наданом, такъже и в ыншихъ всихъ волностях, от  продковъ наших  наданыхъ и од  насъ поприсежоных, которыхъ и до сего часу в спакоиномъ ужыванью были и которые имъ теперъ от  насъ наданы и утверъжоны суть, преречоныхъ мещанъ, и обывателев  места Витебъского, и потомковъ щадков  ихъ, и тых  которые бы оселостеи  слушне потомъ тамъ набыли, никого з нихъ не вылучаючы, але всихъ огуломъ в месте, на пъредместехъ мешкаючыхъ, з кгрунъты и фолваръками ихъ на селах  будучими, вечъне заховати хочемъ и за потомъковъ нашихъ, королеи  полскихъ и великихъ кнзеи  литовскихъ, обецуемъ и прирекаемъ. А воеводе нашому витебъскому теперешнему и напотомъ будучим, такъже врадником  нашим  земъскимъ, дворнымъ, кгродским, а особъливе судъямъ головнымъ трибуналнымъ, и инъшимъ всякимъ судомъ, и врадникомъ нашимъ приказуемъ, абы над  тое право, од насъ месту Витебъскому наданое, жадное трудъности мещаномъ витебъскимъ не чинили, але во всихъ тых волностяхъ и свободахъ, здавна и тепер  имъ наданыхъ, такимъ порадком, яко и противъ мещанъ нашихъ виленьскихъ и инъшихъ местъ упривилеваныхъ заховатисе звыкли, абы и противъ ихъ такъже се спокоине заховали для ласки нашое гсдръское.

А для лепъшое веры и певности тое речи сесь нашъ привилеи, рукою нашою подписавши, печать нашу к нему привесити есмо росказали.

Писанъ у Варшаве на соиме валномъ, лета от  нароженья Сына Божьего тисеча пятьсотъ деветдесятъ семого, мсца марца семънадцатого дня.

При бытности их  млсти велебных в Бозе ясне велможных и урожоных пановъ сенаторовъ нашихъ духовныхъ и свецкихъ, такъже врадниковъ земъскихъ и дворныхъ Короны Полское и Великого Князства Литовского: Станислава Карнъковъского, арцыбискупа гнезъненьского; Яна Дмитра Суликовског, арцыбискупа львовского; Юря Радивила, кнежати на Олыце и Несвижу, кардынала, бискупа краковъского; Берната Матеевъского, луцкого и берестеиского; Вавринца Кгослицъкого, премысского бискуповъ; Януша кнежати Острозъского, кашталяна краковъского; Яна Фирлея з Дубровицы, воеводы краковъского, старосты новоместского; Яроша Кгостомского, воеводы познанского; Криштофа Радивила, кнежати на Биржахъ и Дубинъкахъ, воеводы виленьского, гетмана наивышъшого Великого Князства Литовского; Яронима Ходкевича, кашталяна виленьского; Юря Мнишка, воеводы сендомиръского; Яна Абрамовича, воеводы смоленского, старосты лидского; Теодора Скумина, воеводы новгородского, старосты городеньского; Крыштофа Зеновъевича, воеводы берестеиского; Яна Завиши, воеводы мстиславского; Анъдрея Зборовского, каштеляна бецкого^[5]; Миколая Жабридовского, маршалъка великого коронного, старосты краковъского; Яна Замоиского, канъцлера и гетъмана коронъного, старосты белзъского^[6]; Льва Сапеги, канъцлера Великого Князства Литовъского, старосты слонимского; Яна Таръновъского, подканъцлерого коронного; Кгабриеля Воины, подканъцлерого Великого Князства Литовского, старосты мерецкого; Яна Фирлея з Дубровицы, подъскарбего земского коронъного; Деметра Халецъского с Халча, подъскарбего земского Великого Князства Литовского, старосты берестеиског; Вавринца Кгенбицъского, секретара великого коронного; Матея Воины и Яроша Воловича, писаровъ Великого Князства Литовског; Миколая Сапеги; Матеуша Буриминского; Александра Корвина Кгосевского; Доменика Обрынского, секретаровъ, и инъшихъ многихъ врадниковъ и дворанъ нашихъ.